اسلام آباد (مانیٹرنگ ڈیسک) پاکستان تحریک انصاف کے جلسہ ایکسپرٹ کو دل کا دورہ۔ تفصیلات کے مطابق پاکستان تحریک انصاف کے پنجاب سے رکن قومی اسمبلی عبدالعلیم خان کے اہم ساتھی اور پارٹی رکن شعیب صدیقی دل کے عارضہ میں مبتلا جس کے بعد انہیں فوراً ہسپتال پہنچا دیا گیا جہاں ڈاکٹروں نے بتایا کہ ان کی طبیعت بہتر ہے۔ الیکشن 2013 میں سابق نا اہل وزیراعظم نواز شریف کی اہلیہ کے بھانجے میاں محسن لطیف
کو شکست دینے والے پی ٹی آئی کے رہنما اور سینٹرل پنجاب کے صدر عبدالعلیم خان کے انتہائی اہم ساتھی شعیب صدیقی کو دل کا دورہ پڑا جس پر انہیں فوراً ہسپتال پہنچایا گیا۔ جہاں ابتدائی طبی امداد کے بعد ڈاکٹروں نے ان کی طبیعت کو بہتر قرار دیا ہے اور ڈاکٹروں نے کہا ہے کہ انہیں ہلکے درجے کا دل کا دورہ پڑا ہے۔ ادھر ان کے ہارٹ اٹیک کی خبر سنتے ہی تحریک انصاف کے ورکر اور رہنما جوق در جوق ہسپتال پہنچنے لگے۔ شعیب صدیقی کو جلسہ ارینج کرنے کا ایکسپرٹ کہا جاتا ہے اور طبیعت میں ناسازی کی وجہ بھی پارٹی کیلئے بہت زیادہ ان کی تگ و دو تھی۔ شعیب صدیقی عة پارٹی سے لگاﺅ اور جلسوں کیلئے کی جانے والی محنت کو چیئرمین پی ٹی آئی نے اپنی تقریروں میں بھی سراہا ہے۔
