اسلام آباد (مانیٹرنگ ڈیسک) حمزہ شہباز نے مجھ سے شادی کی اور پھر مجھ سے ناروا سلوک کیا، معروف خاتون کے دھماکہ خیز انکشافات، نیا تنازعہ کھڑا ہو گیا، تفصیلات کے مطابق مسلم لیگ (ن) کے رہنما حمزہ شہباز کی اہلیہ عائشہ احد نے حمزہ شہبازپر الزام لگایا ہے کہ
انہوں نے مجھ سے شادی کی اور پھر میرے ساتھ رویہ بھی اچھا نہیں رکھا۔ انہوں نے کہا کہ میری سپریم کورٹ سے درخواست ہے کہ حمزہ شہباز کے خلاف نوٹس لیا جائے، حمزہ شہباز جیسا شخص کیسے حکمران بن سکتا ہے اور لوگوں کا خیال رکھ سکتا ہے؟ عائشہ احد نے اپنے ٹویٹر پیغام میں کہا کہ شہباز شریف کا نام وزارتِ عظمیٰ کے لیے جب کہ ان کے بیٹے حمزہ شہباز کا نام وزارت اعلیٰ کے لیے نامزد کیا جا رہا ہے، یہ دونوں باپ بیٹا صادق اور امین نہیں ہیں۔ انہوں حمزہ شہباز شریف کے متعلق مزید کہا کہ ان کو مجھ سے بہتر کون جانتاہے، ایسے جھوٹے اور کرپٹ آدمی کا وزیراعلیٰ بننا کوئی اچھی بات نہیں۔ عائشہ احد نے کہا کہ حمزہ شہباز صادق اور امین نہیں ہیں یہ میں عدالت میں ثابت کروں گی۔ انہوں نے کہا کہ مجھے مسلم لیگ (ن) پر حیرت ہے کہ جب سانحہ ماڈل ٹاؤن میں خواتین کو قتل کیا گیا تو وہ اس وقت کہاں تھی، یہ خواتین آج تک انصاف کی راہ دیکھ رہی ہیں، انہوں نے مزید کہا کہ وقت ثابت کرے گا کہ کون صحیح اور کون غلط ہے، میں کچھ چہروں کو نقاب کرنے کی اپنی پوری کوشش کروں گی۔
