برلن(آن لائن)جرمن وزیر برائے نقل و حمل الیکسینڈر ڈوبرِنٹ نے موٹر ساز ادارے پورشے کی کے این ماڈل کی 22 ہزار گاڑیوں کو واپس منگوانے کا اعلان کر دیا۔ ترک خبر رساں ادارے کے مطابق گرین ہاوس گیسوں کے اخراج کے غیرقانونی سافٹ ویئر کی نشاندہی کے بعد

ان گاڑیوں کو مارکیٹ سے واپس اٹھانے کا فیصلہ کیا گیا ہے۔ ڈوبرنٹ نے کہا ہے کہ اس نقص کو ٹھیک کرنے کی تمام قیمت پورشے کمپنی کو ہی برداشت کرنا ہو گی۔ انہوں نے کہا کہ ان گاڑیوں میں اس سافٹ ویئر کی تنصیب کے بارے میں کوئی کوتاہی برداشت نہیں کی جائے گی۔