لندن(این این آئی)ایک برطانوی ٹیلی ویڑن لیڈی ڈیانا سے متعلق عنقریب ایک ایسی ڈاکومنٹری نشر کرے گا جس میں آنجہانی ڈیانا اپنی ناکام شادی اور برطانوی شاہی خاندان کے ساتھ کشیدہ تعلقات کے بارے میں گفتگو کرتی دکھائی دیتی ہیں۔میڈیارپورٹس کے مطابق فلم کی تیاری میں شہزادی ڈیانا کی زندگی میں ریکارڈ کیے گئے ایسے ویڈیو کلپ استعمال کیے گئے ہیں جو اس سے قبل برطانیہ میں کبھی نشر نہیں کیے گئے۔

ویڈیو میں لیڈی ڈیانا برطانوی شاہی خاندان کے ساتھ کشیدہ تعلقات اور برطانوی ولی عہد شہزادہ چارلس کے ساتھ اپنی شادی کی ناکامی کے بارے میں گفتگو کرتی نظر آتی ہیں۔ 1990 کی دہائی کے شروع میں ریکارڈ کی گئی اس ویڈیو میں ڈیانا ا?واز کی کوچنگ کرنے والے شخص سے ان امور کے بارے میں گفتگو کرتے ہوئے بتاتی ہیں کہ جب انہوں نے ملکہ الزبتھ ثانی کو اپنی ناکام ہوتی ازدواجی زندگی کے بارے میں بتایا تو ملکہ کا رد عمل کیا تھا۔ ڈیانا کہتی ہیں کہ ملکہ نے جواباً کہاکہ مجھے نہیں معلوم کہ تمہیں کیا کرنا چاہیے،لیڈی ڈیانا اس ویڈیو میں یہ بتاتی بھی دکھائی دیتی ہیں کہ کیسے وہ اپنی سیکورٹی پر مامور ایک شخص بیری ماناکی کے عشق میں مبتلا ہوئیں۔2004 میں لیڈی ڈیانا کی زندگی میں ریکارڈ کی گئی اس ویڈیو کے کچھ حصے ایک امریکی نشریاتی ادارے نے نشر کیے تھے تاہم برطانوی میڈیا میں کبھی بھی یہ ریکارڈنگ نشر نہیں کی گئی۔ برطانوی ٹی وی ’چینل فور‘ پر یہ ڈاکومنٹری فلم چھ اگست کو نشر کی جائے گی۔لیڈی ڈیانا اکتیس اگست سن 1997 کو فرانسیسی دارالحکومت پیرس میں پیش ا?نے والے ایک کار حادثے میں ہلاک ہو گئی تھیں۔