اسلام آباد(مانیٹرنگ ڈیسک)ٹرین آوارہ نہیں ہوتی ، میری ایک ہی ٹرین ہے جو پاکستان کی ٹرین ہے، نواز شریف کے جانے کے بعد کابینہ ختم ہو جائے گی کسی کے جانے سے فرق نہیں پڑتا، درباریوں اور خوشامدیوں کی بات سے معلوم ہوتا ہے کہ ن لیگ میں ٹوٹ پھوٹ شروع ہو چکی ہوتی۔ تفصیلات کے مطابق عوامی مسلم لیگ کے سربراہ شیخ رشید احمد نے چوہدری نـثار کی پریس کانفرنس پر ردعمل دیتے ہوئے ایک پریس کانفرنس میں کہا ہے کہ ٹرین آوارہ نہیں ہوتی ، میری ایک ہی ٹرین ہے جو پاکستان کی ٹرین ہے۔
چوہدری نثار نے اپنی تقریر میں جن خدشات کا اظہار کیا ہے ان سے متعلق صرف یہ کہنا چاہتا ہوں کہ پوری قوم کے شانہ بشانہ ہردم تیار ہیں کوئی طاقت پاکستان کا بال بھی بیکا نہیں کر سکتی۔ شیخ رشید کا کہنا تھا کہ اپنی پریس کانفرنس میں چوہدری نثار نے نواز شریف کے گرد درباریوں اور خوشامدیوں کی بات کر کے بتا دیا ہے کہ ن لیگ ٹوٹ پھوٹ کا شکار ہو چکی ہے۔کابینہ ٹوٹنے کی صورت میں چوہدری نثار کی بھی وزارت چلی جائے گی۔
