اسلام آباد (مانیٹرنگ ڈیسک)جوں جوان الیکشن قریب آرہے ہیں سیاسی جماعتوں میں جو ڑ توڑ کا سلسلہ عروج پر پہنچ چکا ہے ۔میڈیا رپورٹس کے مطابق اب تازہ ترین اطلاعات یہ ہیں کہ پیپلز پارٹی سے تقریباً 40 سالہ رفاقت رکھنے والے ذوالفقار علی بھٹو کے قریبی ساتھی سابق وفاقی وزیر مخدوم شہاب الدین نے اپنے ساتھیوں سمیت تحریک انصاف میں شمولیت کا فیصلہ کر لیا۔آئندہ ایک دو روز کے دوران بنی گالہ اسلام آباد میں پی ٹی آئی میں شمولیت کا باقاعدہ اعلان متوقع ہے۔

واضح رہے کہ گزشتہ روز بھی سابق رکن قومی اسمبلی اور پیپلز پارٹی کی سینئررہنما ڈاکٹر سمعیہ امجد نےباضابطہ طور تحریک انصاف میں شمولیت کا اعلان کیاتھا۔ اس موقع پر ان کا کہنا تھا کہ میں چیئرمین تحریک انصاف عمران کے ویژن اور بصیرت اوران کے منصوبہ عمل ، نظریئے اور منشور کے ساتھ مکمل طور پر متفق ہوں۔ انہوں نے کہا کہ میں سمجھتی ہوں کی پاکستان میں حقیقی جمہوریت کے نفاذ کےلیئے اور ملک کو کرپشن سے پاک کرنے کے لیئے عمران خان کی قیادت ناگزیر ہے۔