راولپنڈی (این این آئی)عوامی مسلم لیگ کے سربراہ شیخ رشید نے کہا ہے کہ جے آئی ٹی ارکان کو سیلوٹ کرتا ہوں، نواز شریف کے خلاف فوجداری تحقیقات ہورہی ہیں ٗ قطری شہزادے کو پیش کرنا حکومت کی ذمہ داری تھی۔قطری شہزادہ نوازشریف کا گواہ نہیں ٗحسین نواز کا گواہ ہے ٗنواز شریف کا گینگ ہی ان کو مروائے گا ٗ نواز شریف نے اسمبلی توڑنی ہے تو صوبوں کی اسمبلیاں بھی توڑنا ہوں گی ٗدوبارہ جرح ہوئی تو نواز شریف کو دبارہ طلب کرنے کی استدعا کروں گا

ٗسپریم کورٹ کا فیصلہ تسلیم کرینگے ۔ اتوار کو لال حویلی میں پریس کانفرنس کے دوران عوامی مسلم لیگ کے سربراہ شیخ رشید احمد نے کہاکہ پاناما کیس نواز شریف کے خاندان کے خلاف ہے ٗنوازشریف کے خلاف فوجداری تحقیقات ہورہی ہیں ٗجو لوگ نواز شریف کا دفاع کررہے ہیں وہ نواز شریف کے ذاتی ملازم ہیں ٗن لیگ کے 4 وزیروں کی پریس کانفرنس سے لگتا ہے کہ ان کونتیجے کی بوآگئی ہے جبکہ نواز شریف کا گینگ ہی نواز شریف کو مروائے گا۔شیخ رشید نے کہا کہ قطری شہزادہ حسین نوازکا گواہ ہے ٗقطری شہزادہ نوازشریف کیلئے نہیں بلکہ حسین نواز کی صفائی کیلئے آیا تھا، قطری نے کہا وہ پاکستانی عدالتوں کے دائرہ کار کو نہیں مانتا، جے آئی ٹی مین نواز شریف پیش ہوسکتے ہیں تو قطری شہزادہ کیوں نہیں، حکومت کی ذمہ داری تھی وہ قطرہ شہزادے کو پیش کرتی، ن لیگ والے فوج کو چیلنج کررہے ہیں، اسمبلی توڑنا نواز شریف کا کام ہے، اگر نواز شریف نے اسمبلی توڑنی ہے تو صوبوں کی اسمبلیاں بھی توڑنا ہوں گی جبکہ نواز شریف نے ہمیشہ خود اپنے خلاف سازشیں کیں۔عوامی مسلم لیگ کے سربراہ نے کہاکہ پوری قوم فوج اور عدلیہ کے ساتھ کھڑی ہے لیکن بعض لوگ ملک میں خلفشار پھیلانا چاہتے ہیں ٗجے آئی ٹی ارکان کو سیلوٹ کرتا ہوں، ساری قوم عدلیہ کے فیصلے کا انتظار کرہی ہے، اگر دوبارہ جرح ہوئی تو نواز شریف کو دبارہ طلب کرنے کی استدعا کروں گا۔ انہوں نے کہا کہ سپریم کو جو بھی فیصلہ ہوگا ہم تسلیم کریں گے جب کہ سپریم کورٹ سے(ن)لیگ کی سیاست کا تابوت، ثبوت اور بھوت بھی نکلے گا۔شیخ رشید نے کہا کہ نواز شریف سے ہرجگہ میں اورعمران مقابلے کے لیے تیارہیں اور جب تک مقابلے کی گھڑی ہوگی ہم عمران خان کے ساتھ شانہ بشانہ کھڑے ہوں گے۔