لاہور (آئی این پی) لاہور ہائیکورٹ نے عوامی مقامات پر سگریٹ نوشی کے قانون پر عملدرآمد نہ کرنے کے خلاف دائر درخواست پر وفاقی اور پنجاب حکومت کو نوٹس جاری کر تے ہوئے جواب طلب کر لیا۔ گزشتہ روز چیف جسٹس لاہور ہائیکورٹ مسٹر جسٹس منصور علی شاہ نے کیس کی سماعت کی ۔ درخواست گزار نے موقف اختیار کیا کہ پنجاب میں نان سموکنگ آرڈیننس 2002 نافذ ہے

جبکہ آرڈیننس کے علاوہ سگریٹ نوشی پر پابندی کے رولز بھی موجود ہیں۔آرڈیننس اور رولز کے باوجود عوامی مقامات پر سگریٹ نوشی نہیں روکی جا رہی ہے جبکہ کالجز، ہسپتالوں اور عدالتوں کے اردگرد سگریٹ فروخت کئے جا رہے ہیں۔ لہٰذا معزز عدالت سے استدعا ہے کہ پنجاب حکومت کو عوامی مقامات پرسگریٹ نوشی روکنے کے قانون پر سختی اور موثر طریقے عمل درآمد کو یقینی بنانے کا حکم دیا جائے ۔