نئی دہلی (این این آئی) بھارت کی وزارت داخلہ نے مختلف محکموں کے افسروں اور سیکورٹی ایجنسیوں کو ہدایات جار ی کر دی ہیں کہ وہ تحریری رابطے کے دوران حزب المجاہدین کے کمانڈر برہان وانی کا نام نہ لکھیں۔ کشمیر میڈیا سروس کے مطابق بھارتی اخبار ’انڈین ایکسپریس‘ نے وزارت داخلہ کے ایک سینئر افسر کا حوالہ دیکر لکھاہے کہ افسروں اور سیکورٹی ایجنسیوںسے کہا گیا ہے کہ وہ مستقبل میں تمام رابطوں کے دوران

برہان وانی کا نام لکھنے کے بجائے’ 8جولائی کو مارے گئے تین جنگجو ‘ لکھا کریں۔افسر نے مزید بتایا کہ محکموں کو یہ ہدایت بھی دی گئی ہے کہ وہ سرکاری دستاویزات میں حز ب المجاہدین کا نام بھی نہ لکھیں، چاہئے وہ حق اطلاعات کے تحت دائر کی گئی درخواست کا جواب ہی کیوں نہ ہو۔ وزارت داخلہ نے تمام سیکورٹی ایجنسیوں کو ہدایت دی ہے کہ وہ بر ہان وانی کی پہلی برسی پر ہوشیار رہیں اور سخت حفاظی اقدامات کریں۔ وزارت داخلہ نے اس بات کا بھی اعتراف کیاہے کہ 8جولائی 2016کو برہان وانی کی شہادت کے بعد 88کشمیری نوجوانوں نے بندوق اٹھائی۔ اخبار نے لکھا ہے کہ وزارت داخلہ نے یہ قدم برہان وانی کی مقامی اور عالمی سطح پر بڑھتی ہوئی شہرت کو دیکھ کر اٹھایا ہے۔