اسلام آباد (این این آئی)بالی وڈ کے لیجنڈری اداکار دلیپ کمار کے آباواجداد کا تعلق پاکستان کے شہر پشاور سے ہے یہاں ان کا گھر تقریبا ایک صدی پرانا ہے جوپہلے ہی خستہ حالی کا شکار تھا اور مزید گزرتے وقت کے ساتھ کھنڈر میں تبدیل ہونے لگا میڈیا رپورٹ کے مطابق دلیپ کمار کے آباو اجداد پاکستان کی آزادی سے قبل اسی مکان میں رہتے تھے
لیکن پاکستان کی آزادی کے بعد وہ بھارت ہجرت کرگئے تاہم لیجنڈ اداکار کی خدمات کو مدنظر رکھتے ہوئے اس مکان کو 2014 میں قومی ثقافتی ورثہ قرار دیتے ہوئے دوبارہ بنانے کا فیصلہ کیا گیا ۔نجی ٹی وی کے مطابق ثقافتی ورثہ کونسل پاکستان کے جنرل سیکریٹری شکیل وحید اللہ کا کہنا ہے کہ محلہ خداداد کے تاریخی قصہ خوانی بازار میں واقع اس مکان کا صرف دروازہ اور آگے کا کچھ حصہ ہی بچا ہے لیکن اس کو جلد بنا دیا جائے گا۔
