جدہ (مانیٹرنگ ڈیسک)سعودی عرب میں عمرے کے بہانے جیولری چوری کرنے والے شخص کوگرفتارکرلیاگیاہے جبکہ اس شخص کاتعلق شمالی افریقہ سے ہے ۔تفصیلات کے مطابق جدہ میں ایک شخص جس کاتعلق شمالی افریقہ سے ہے وہ جدہ کی مختلف دکانوں سےدو سالوں سے جیولری چوری کررہا تھا۔ اس نے اب تک واردات کرتے ہوئے 3.38 ملین سعودی ریال مالیت کی رقم حاصل کی تھی۔

سعودی پولیس نے اس شخص کو گزشتہ روز کنگ عبدالعزیز انٹرنیشنل ائیرپورٹ سے گرفتار کیا گیا جب وہ ملک میں تیسری مرتبہ عمرہ ویزہ پرچوری کی غرض سے داخل ہورہا تھا۔پولیس کے مطابق اس شخص کا تعلق شمالی افریقہ سے تھا جو کہ ملک میں عمرہ کی ادائیگی کی غرض سے آتا تھا۔ یہ شخص اس سال بھی رمضان میں عمرہ کی غرض سے آرہا تھا اوررات کو جب گلیاں خالی ہوتی تھی یہ اس وقت جیولری کی دکانوں پرچوریاں کرتاتھا،اس غیرملکی کالباس سفیدہوتاتھا اور اس کے ہاتھ میں پلاسٹک کا سیاہ تھیلا ہوتا تھا جس میں وہ چوری کی گئی اشیاء رکھا کرتا تھا۔ملزم چوری کرنے سے قبل سرویلنس کیمروں پر کالا سپرےکردیتاتھاتاکہ اس کی شکل کوئی نہ دیکھ سکے۔ پولیس حکام کے مطابق اس نے الصفاء میں 2 ملین سعودی ریال کا ڈاکہ ڈالالیکن کیمرے اس کوتلاش کرنے میں مدددینے میں ناکام رہے ۔ دوسری مرتبہ ڈاکہ ڈلا تواس کی شکل کیمرے میں کچھ نہ کچھ دکھائی دی اوراس فوٹیج کومملکت کے مختلف ائیرپورٹس تک پہنچا دیا گیا ۔جب یہ شخص تیسری مرتبہ عمرے کی غرض سے سعودی عرب میں داخل ہواتواس کو کنگ عبدالعزیز انٹرنیشنل ائیرپورٹ سے گرفتارکرلیاگیا۔گرفتاری کے بعد پولیس کے سامنے اس نے کئی رازفاش کئے ہیں جبکہ ابھی تک اس ملزم سے تحقیقات کاسلسلہ جاری ہے ۔