ممبئی (این این آئی)بالی و وڈ اسٹار انیل کپور اور سابق حسینہ عالم ایشوریا رائے بچن 17 سال بعد ایک بار پھر فلمساز پریرنا اروڑہ کی فلم ’’فینی خان‘‘ میں جلوہ گر ہوں گے۔انیل کپور اور ایشوریا رائے 1999 میں ریلیز ہونے والی فلم ’’تال‘‘ اور 2000 میں فلم ’’ہمارا دل آپ کے پاس ہے‘‘ میں ایک ساتھ دکھائی دیئے تھے

جس کے بعد ان کی جوڑی نے کبھی بھی کسی فلم میں ایک ساتھ کام نہیں کیا ۔فلم ’’فینی خان‘‘ میوزک اور کامیڈی پر مبنی ہے جس کی شوٹنگ آئندہ سال شروع ہوگی۔انیل کپور آخری بار 2015 میں فلم ’’دل دھڑکنے دو‘‘ میں نظر آئے تھے اور وہ ان دنوں فلم ’’مبارکاں‘‘ کی شوٹنگ میں مصروف ہیں جبکہ ایشوریا رائے2016 میں فلم ’’اے دل ہے مشکل‘‘ میں جلوہ گر ہوئی تھی۔

موضوعات:ایشوریا رائے