مانامہ (این این آئی)پاکستانی خوبرو اداکارہ نیلم منیر نے اپنے ویڈیو لیک اسکینڈل کے بعد بحرین کرکٹ فیسٹیول میں شرکت کرکے ایک بار پھر اپنے مداحوں میں اضافہ کیا۔اس سے پہلے نیلم منیر کی اپنی ہی کار میں دوران سفر بیٹھے بیٹھے رقص کرنے کی ویڈیو نے دھوم مچائی تھی۔
نیلم منیر نے بحرین کرکٹ فیسٹیول میں شرکت کی تصاویر اپنے انسٹاگرام پیج پر شیئر کرتے ہوئے لکھا کہ بحرین شائستہ لوگوں کا ایک خوبصورت ملک ہے۔بحرین میں ہر سال منعقد ہونے والے کرکٹ فیسٹیول میں اس بار نیلم منیر واحد پاکستانی فنکارہ تھیں، جنہوں نے اس میں شرکت کی۔فیسٹیول کے دوران لی گئی ان کی تصاویر دیگر انسٹاگرام اکاؤنٹس پر بھی شیئر کی گئیں، جنہیں ہزاروں افراد نے پسند اور شیئر کیا۔تصاویر میں نیلم منیر نے اپنے دلکش اندازوں سے مداحوں کو اپنے سحر میں خوب جکڑے رکھا۔رواں ماہ 19 مئی کو ہونے والے بحرین فیسٹیول میں شرکت سے قبل ہی نیلم منیر نے ایک ویڈیو پیغام بھی جاری کیا۔نیلم منیر نے اپنے ویڈیو پیغام میں شائقین اور مداحوں کو پیغام دیا کہ وہ کرکٹ فیسٹیول میں شرکت کے لیے پرجوش ہیں۔نیلم منیر نے بحرین کرکٹ فیسٹیول کی ویڈیو بھی جاری کی، جس میں ان کے مداحوں کا جوش دیکھا جاسکتا ہے۔ان کے مداحوں نے بھی ان کے ساتھ لی گئی تصاویر شیئر کیں۔
