اسلام آباد(مانیٹرنگ ڈیسک) ماہرین نے کہا ہے کہ ابالے بغیر دودھ پینے سے پیٹ کے امراض کا خطرہ 96 فیصد تک بڑھ جاتا ہے۔ تحقیق سے معلوم ہوا ہے کہ کچا دودھ پینا صحت کے لئے تباہ کن ثابت ہو سکتا ہے، ابال کر دودھ پینے کے جہاں ان گنت فائدے ہیں وہیں کچا دودھ انسانی صحت کے لیے اتنا ہی نقصان دہ ہے۔

طبی ماہرین کی جانب سے حالیہ سروے میں اس بات کا انکشاف ہوا ہے کہ کچا دودھ پینے کے نتیجے میں پیٹ کے سنگین امراض کا خطرہ بڑھا سکتا ہے۔ کچے دودھ میں ایسے نقصان دہ بیکٹریا ہوتے ہیں جو کہ شدید فوڈ پوائزننگ کا باعث بنتے ہیں۔دودھ کو ابالے بغیر استعمال کرنے سے اس میں موجود بیکٹریا مذید متحرک ہوجاتے ہیں جس سے پیٹ کے امراض کا خطرہ 96 فیصد تک بڑھ جاتا ہے۔