گوانگ جو (آئی این پی) چین کے وزیر اراضی و وسائل جیان ڈیمنگ نے جمعرات کو کہا کہ چین بحیرہ جنوبی چین میں  آتش گیر برف کے نمونے حاصل کرنے میں کامیاب ہو گیا ہے جو کہ ایک ایسی اہم کامیابی ہے جس کے نتیجے میں عالمی توانائی انقلاب برپا ہو گا ۔انہوں نے جمعرات کو بحیرہ جنوبی چین کے شین ہو علاقے میں کان کنی کے آزمائشی مقام پر کہا کہ

یہ قریباً دو دہائیوں کی تحقیق اور جستجو کے بعد سمندر میں آتش گیر برف کی کان کنی میں چین کی پہلی کامیابی ہے ،چین نے 2007ء میں بحیرہ جنوبی چین میں آتش گیر برف دریافت کی جو کہ قدرتی گیس ہائیڈریٹ کی ایک قسم ہے ، بین الاقوامی سائنسی حلقوں نے پیشنگوئی کی ہے کہ قدرتی گیس ہائیڈریٹ تیل و قدرتی گیس کا بہترین متبادل ہے۔