اسلام آباد(مانیٹرنگ ڈیسک) نجی ٹی وی کے ایک پروگرام میں گفتگو کرتے ہوئے سینئر صحافی سلیم صافی نے کہا ہے کہ فاٹا اصلاحات کے نافذ العمل ہونے پر ابھی تک کام رکا ہوا ہے۔ ساری خدائی ایک طرف ہار گئی ہے اور جورو کے دو بھائی جیت گئے ہیں۔ سلیم صافی نے کہا کہ عبد القادر بلوچ نے ایک اہم اجلاس میں فاٹا سے تعلق رکھنے والے اراکین قومی اسمبلی کو بتایا ہے کہ وزیر اعظم نواز شریف کا فون آیا تھا اور

انہوں نے کہا ہے کہ فاٹا اصلاحات پر اس وقت تک کام روک دیں جب تک میں واپس نہ آ جائوں۔ سلیم صافی کا کہنا تھا کہ کل اچکزئی صاحب بھی مولانا فضل الرحمن کے گھر گئے تھے۔ وہاں سے دونوں نے مل کر میاں نواز شریف کو فون کیا تھا۔مولانا فضل الرحمن نے فاٹا کے معاملے پر نواز شریف کو دھمکی دی ہے کہ اگر ان کی بات نہ مانی گئی تو وہ حکومتی اتحاد چھوڑ دیں گے۔