اسلام آباد(مانیٹرنگ ڈیسک) کیا آپ کو وہ وقت یاد ہے جب 2015ءمیں پاکستانی مردوں کو خوبصورت ترین مردوں کی فہرست میں تیسرا نمبر دیا گیا تھا؟ اسی سال علی ظفر اور فواد خان کو ایشیاءکے خوبصورت ترین 10 مردوں کی فہرست میں بھی شامل کیاگیا تھا اور اس وقت سے آج تک پاکستانی تیسرے پوزیشن ملنے پر ”نازاں“ ہیں۔دو سال قبل جاری ہونے والی فہرست کی ویڈیو ایک مرتبہ پھر سوشل میڈیا پر وائرل ہو گئی ہے اور پاکستانی ایک مرتبہ پھر تیسری پوزیشن کا ”جشن“ منا رہے ہیں۔

فہرست میں پاکستانی مردوں کو تیسری پوزیشن ملی تو آسٹریلین مردوں کو دوسری اور آئرش مردوں کو پہلی پوزیشن دی گئی۔فواد خان، حمزہ علی عباسی، حسنین لہری سمیت پاکستانی مردوں کی خوبصورتی کے کیا کہنے، لیکن آپ کو وہ ارشد خان ”چائے والا“ بھی یاد ہو گا اور اگر ان سب کو مدنظر رکھا جائے تو پاکستانی مرد اس پوزیشن کے حق دار بھی ہیں۔ اس فہرست میں دیگر سات کون کون سے ممالک شامل کئے گئے؟ آپ بھی جانئے۔
-1آئرش
-2آسٹریلیا
-3پاکستان
-4امریکہ
-5انگلینڈ
-6اسکاٹ لینڈ
-7اٹلی
-8نائیجیریا
-9ڈینش
-10سپین