اسلام آباد(نیوز ڈیسک)وزیراعظم نوازشریف نے کہاہے کہ کراچی میں آپریشن تمام جماعتوں کی رضامندی سے شروع کیا گیاہے اور یہ آپریشن کراچی میں امن قائم ہونے تک جاری رہے گا۔تفصیلات کے مطابق وزیراعظم نواز شریف نے کہاہے کہ کراچی میں امن نہ صرف سندھ میں بلکہ پورے پاکستان کیلئے فائدہ مند ہے ،کراچی میں آپریشن کے بعد بھتہ خوری اور ٹارگٹ کلنگ کی وارداتوں میں کمی آئی ہے ۔وزیراعظم نوازشریف نے کہاکہ 15سال بعد نئی ایوی ایشن پالیسی متعارف کرائی جا رہی ہے جو وقت کی انتہائی ضرورت ہے ۔ان کا کہناتھا کہ قومی ایئر لائن کو جدید ایئرلائن بنانا حکومت کا عزم ہے اور نئی پالیسی سے ایوی ایشن سیکٹر پر بھی بھر پور توجہ دی گئی ہے ۔ نواز شریف نے کہاکہ پے آئی اے میں اچھ اور برے میں تمیز کرنا ہو گی او ر اس کیلئے نئی ایوی ایشن پالیس متعارف کروائی جا رہی ہے ۔