اسلام آباد(مانیٹرنگ ڈیسک)تربوز پیاس کی شدت کو ختم کردیتا ہے۔یہ پھل موسم گرما میں کثرت سے استعمال کیا جاتاہے ،لوگوں کی بڑی تعداد کویہ پھل بہت پسند ہے اورنہایت شوق کے ساتھ کھاتی ہے لیکن کیا آپ جانتے ہیں کہ یہ پھل انسانی صحت کیلئے بھی انتہائی مفید ہے ؟
صحتمند ہڈیاں :تربوز میں موجود لائیکو پین خون کی شریانوں کی صحت کے لیے بہت اہم ہے، یہ ہڈیوں کی صحت کو بھی بہتر بناتا ہے۔ بلڈ پریشر کی سطح معمول پر آتی ہے۔ لائیکو پین سے آکسیڈیٹیو اسٹریس بھی کم ہوتا ہے ، ہڈیوں کی کمزوری کا باعث بنتا ہے، اسی طرح تربوز میں پوٹاشیم بھی ہوتا ہے جو کہ جسم میں کیلشیئم کی سطح برقرار رکھنے میں مدد دیتا ہے جو کہ مضبوط ہڈیوں کے لیے ضروری جز ہے۔
جسم کی چربی :تربوز میں موجود سٹرولائن خلیات میں چربی کے اجتماع کی شرح کم کرتا ہے، سٹرولائن ایسا امینو ایسڈ ہے جو کہ جسم میں جاکر آرجنین میں تبدیل ہوجاتا ہے جو کہ گردوں کے لیے فائدہ مند ہوتا ہے۔ سٹرولائن فیٹ سیلز میں ایسی سرگرمیوں کو روکتا ہے جو کہ جسم پر چربی چڑحنے کا باعث بنتے ہیں جس سے توند سے نجات بھی ممکن ہوتی ہے۔
مسلز کیلئے مفید:پوٹاشیم سے بھرپور ہونے کی وجہ سے تربوز اعصاب اور مسلز کے ایکشن کو کنٹرول کرنے میں مدد دیتا ہے، پوٹاشیم مسلز کے زاویوں اور حجم کا تعین کرتا ہے جبکہ اعصاب کو کنٹرول کرتا ہے۔
نظر کو بہتر بنائے :تربوز بیٹا کیروٹین کے حصول کا بھی اچھا ذریعہ ہے جو کہ جسم میں جاکر وٹامن اے میں تبدیل ہوجاتا ہے۔ یہ جز آنکھ کے قرینے میں نسیج کے قدرتی رنگ کے حوالے سے مدد دیتا ہے۔
