اسلام آباد(مانیٹرنگ ڈیسک)سابق معاون خصوصی طارق فاطمی کو وفاق میں اہم عہدہ دینے کی تیاریاں شروع ۔تفصیلات کےمطابق نجی ٹی وی چینل جیو نیوز نے ذرائع کے حوالے سے دعویٰ کیا ہے کہ ڈان لیکس رپورٹ پر حکومتی نوٹیفکیشن کے تحت برطرف کئے گئے طارق فاطمی کو وزیر برائے موسمیاتی تبدیلی کا عہدہ دیئے جانے کا امکان ہے ۔ذرائع کے مطابق برطرفی سے قبل وزیراعظم ڈان لیکس رپورٹ نوٹیفکیشن پر عہدے سے
ہٹائے جانے کے معاملے پرطارق فاطمی کو پہلے سے ہی اعتماد میں لے چکے تھے اور اس بات کا بھی امکان ظاہر کیا جارہا تھا کہ ان کو وفاق میں ہی کوئی دوسرااہم عہدہ دے دیا جائے گا۔واضح رہے کہ طارق فاطمی نے وزیراعظم کو لکھے گئے اپنے الوداعی خط میں ڈان لیکس رپورٹ بارے اپنے پر لگائے الزامات کومسترد کردیا ہے اور تحقیقات کیلئے ہر قسم کے تعاون کی پیش کش بھی کی ہے۔
