اسلام آباد(مانیٹرنگ ڈیسک) سندھ نیشنل فرنٹ کے سربراہ ممتاز علی بھٹو نے پی ٹی آئی چیئرمین عمران خان کی تحریک انصاف میں شمولیت کی دعوت پر مشاورت کیلئے وقت مانگ لیا۔ تفصیلات کے مطابق پی ٹی آئی چیئرمین عمران خان نے ممتاز بھٹو کو تحریک انصاف میں شمولیت کی
دعوت دی تھی۔ ممتاز بھٹونے جواب میں کہا ہے کہ وہ اپنے ساتھی رہنمائوں سے مشاورت کے بعد حتمی جواب دیں گے۔ مقامی میڈیا کے مطابق عمران خان وفد کے ہمراہ ممتاز علی بھٹو کی رہائش گاہ پر گئے اور ان کے بڑے بھائی حاجی معشوق علی بھٹو کے انتقال پر ان سے اظہار تعزیت کیا۔
