دبئی (نیوز ڈیسک)پاکستان پیپلزپارٹی کے معطل رہنما اور سندھ کے سابق وزیر داخلہ ذوالفقار مرزا نے دبئی میں کراچی کے سابق سٹی ناظم سے مصطفیٰ کمال سے اہم ملاقات کی ہے جبکہ ایم کیو ایم کے سابق رہنام سلیم شہزاد سے بھی رابطہ کیا ہے ۔نجی ٹی وی چینل نے اپنے ذرائع کے حوالے سے بتا یا ہے کہ دبئی میں ذوالفقارمرزا نے مصطفی کمال سے طویل ملاقات کی ہے جس میں ملکی صورتحال بالخصوص کراچی کے معاملے پر گفتگو کی گئی ۔ذرائع کے مطابق ذوالفقار مرزا نے اس موقع پرایم کیو ایم کے غیرفعال رہنما مصطفیٰ کمال کو وعدہ معاف گواہ بننے کی پیشکش کی ہے ۔علاوہ ازیں ایک اور نیوز چینل کے پروگرام میں سینئر صحافی خوشنود علی خان نے بتایا ہے کہ کہ گورنر سندھ ڈاکٹرعشرت العباد کی جگہ مصطفی کمال کو اس عہد ے پر تعینات کرنے کے واضح امکانات ہیں ،خوشنود علی خان کے مطابق کراچی میں امن کی بحالی کیلئے ایک تیسرا گروپ بنتا دکھائی دے رہاہے ۔ممتاز بھٹو کو اسلام آباد بلایا گیا ہے