ماسکو (آ ئی این پی )چینی اور روسی افواج کے درمیان تزویراتی مشاورت کے انیسویں دور کا انعقاد ہو گیا ،چینی فوج دیگر غیر ملکی افوج کے ساتھ تزویراتی باہمی اعتماد سازی کو فروغ دے گی ، بین الاقوامی ذمہ داریوں اور فرائض کو پورا کرے گی ۔ چین اور روس کی افواج کے درمیان تزویراتی مشاورت کے انیسویں دور کا انعقاد ہو گیا ہے ۔ چینی فوج دیگر غیر ملکی افوج کے ساتھ تزویراتی باہمی اعتماد سازی کو فروغ دے گی
چائنہ ریڈیو انٹرنیشنل کے مطابق چین کی مرکزی فوجی کمیشن کے جوائنٹ اسٹاف کے ڈپٹی چیف شاو یوان منگ نے ماسکو میں روسی جنرل سٹاف میں آپریشنز ڈائریکٹوریٹ کے سربراہ سر گئی رتسوکوئی کے ہمراہ چین اور روس کی افواج کے درمیان تزویراتی مشاورت کے انیسویں دور کی مشترکہ صدارت کی شاو یوان منگ نے ماسکو میں چھٹی بین الاقوامی سلامتی کانفرنس میں شرکت کی اور خطاب بھی کیا۔انہوں نے کہا کہ چینی فوج دیگر غیر ملکی افوج کے ساتھ تزویراتی باہمی اعتماد سازی کو فروغ دے گی ،مشترکہ سلامتی کی تکمیل کے لئے مزید فوجی تعاون کرے گی اور بین الاقوامی ذمہ داریوں اور فرائض کو پورا کرے گی تاکہ عالمی اور علاقائی سطح پر امن کا تحفظ کیا جا سکے۔تجزیہ نگار روس امریکہ کشیدگی کے ماحول میں چینی افواج کی جانب سے روسی افواج کے ساتھ ملکر مشترکہ سلامتی کی تکمیل کے لئے مزید فوجی تعاون کے اعلان کوامریکہ کیلئے واضح پیغام قراردے رہے ہیں جس کے بعد بین الاقوامی سطح پر امریکہ کیلئے مشکلات میں مزید اضافہ ہوتا نظر آرہاہے۔روس امریکہ کشیدگی کے ماحول میں چینی افواج کی جانب سے روسی افواج کے ساتھ ملکر مشترکہ سلامتی کی تکمیل کے لئے مزید فوجی تعاون کے اعلان کوامریکہ کیلئے واضح پیغام قراردے رہے ہیں جس کے بعد بین الاقوامی سطح پر امریکہ کیلئے مشکلات میں مزید اضافہ ہوتا نظر آرہاہے۔
