لاہور( این این آئی )وفاقی وزیر پانی و بجلی خواجہ محمد آصف نے کہا ہے کہ ملک میں بجلی کی غیر اعلانیہ لوڈ شیڈنگ ختم کر دی گئی ہے۔ٹوئیٹر پر ایک پیغام میں انہوں نے کہا کہ گزشتہ روز 12948میگاواٹ کی پیداوار کے مقابلے میں بجلی کی طلب 17399میگاواٹ تھی جس سے 4451میگاواٹ کا شارٹ فال ظاہر ہوتا
ہے۔ ایک اور بیان میں خواجہ آصف نے کہا کہ جن علاقوں میں بجلی چوری کی جارہی ہے وہاں پر دس گھنٹے کی لوڈ شیڈنگ کی جارہی ہے ۔ جو رہنما احتجاج کر رہے ہیں وہ اپنے علاقوں سے کنڈے ہٹوائیں۔واضح رہے کہ مبینہ بجلی چوری کے علاقوں میں جو لوگ بجلی چوری نہیں کررہے وہ بھی حکومتی فیصلے سے شدید متاثر ہورہے ہیں ۔
