اسلام آباد(آئی این پی)روات پولیس نے تعلیمی اداروں میں منشیات فروخت کرنے والا 2 رکنی گروہ گرفتار کرلیا۔ ملز مان سے آئس ہیروئن کے ساتھ استعمال ہونے والی 400 نشہ آور گولیاں بھی برآمد کر لی گئیں۔ ہفتہ کو روات پولیس نے تعلیمی اداروں میں منشیات فروخت کرنے والا 2 رکنی گروہ گرفتار کرلیا۔ ملزمان سے آئس ہیروئن کے ساتھ استعمال ہونے والی 400 نشہ آور گولیاں
بھی برآمد کر لی گئیں۔ پولیس کے مطابق ملزمان تعلیمی اداروں میں طلباء و طالبات کو منشیات فراہم کرتے تھے۔ آئس کے ساتھ استعمال ہونے والی ایک گولی 3500 روپے کی فروخت ہوتی تھی۔ نشہ آور گولیاں ہالینڈ اور ڈنمارک سے سمگل ہو کر پاکستان آئی ہیں ۔ ملزمان کو پشاور میں ایکساءھ ملازم نے گولیاں بیچنے کے لئے دی ۔ قبضے میں لی گئی منشیات کی مالیت لاکھوں روپے ہے۔
