لندن(نیوز ڈیسک)متحدہ قومی موومنٹ کے قائد الطاف حسین نے 31ویں یوم تاسیس پر ایم کیو ایم کے کارکنوں اور عوام کیلئے پیغام میں کہا ہے کہ ثابت قدمی اور مستقل مزاجی سے ہی کامیابی حا صل کی جا سکتی ہے۔تفصیلات کے مطابق الطاف حسین کاکہنا تھا کہ ایم کیو ایم محروم لوگوں کیلئے جدوجہد کرنے والی واحد تحریک ہے۔ان کا مزید کہنا تھا کہ شہداءکی قربانیوں کے باعث 31سال میں کامیابیاں ملیں اور انہی شہداءنے لوگوں کے ذہنوں کی آبیاری کی ہے ۔الطاف حسین کا کہنا تھا کہ ایم کیو ایم لوگوں کے حقوق کی جنگ لڑ رہی ہے اور لوگوں کے حقوق کی خاطر ایم کیوایم نے بہت قربانیاں دیں ہیں ۔