ﺩﮨﺮﯾﻮﮞ ﮐﯽ ﺍﯾﮏ ﺟﻤﺎﻋﺖ ﻧﮯ ﺍﻣﺎﻡ ﺍﺑﻮﺣﻨﯿﻔﮧ ﺭﺣﻤﺘﮧ ﺍﻟﻠﮧ ﻋﻠﯿﮧ ﭘﺮﺣﻤﻠﮧ ﮐﺮﺩﯾﺎ ﺍﻭﺭ ﺁﭖ ﮐﻮ ﻗﺘﻞ ﮐﺮﻧﺎ ﭼﺎﮨﺎ۔ ﺁﭖ ﻧﮯ ﻓﺮﻣﺎﯾﺎ ﮐﮧ ﭘﮩﻠﮯ ﺍﺱ ﻣﺴﺌﻠﮧ ﻣﯿﮟ مجھ ﺳﮯ ﺑﺤﺚ ﮐﺮﻟﻮ، ﺍﺳﮑﮯ ﺑﻌﺪ ﺗﻤﮩﯿﮟ ﺍﺧﺘﯿﺎﺭﮨﮯ، ﺍﻧﮩﻮﮞ ﻧﮯ ﺍﺱ ﺑﺎﺕ ﮐﻮ ﻣﻨﻈﻮﺭﮐﺮﻟﯿﺎ۔ ﭼﻨﺎنچہ ﻣﻨﺎﻇﺮﮮ ﮐﯽ ﺗﺎﺭﯾﺦ ﺍﻭﺭ ﻭﻗﺖ ﻃﮯ ﮨﻮﮔﯿﺎ۔ ﻣﮕﺮ ﮨﻮﺍ ﯾﻮﮞ ﮐﮧ ﺁﭖ ﻣﻨﺎﻇﺮﮮ ﻣﯿﮟ ﺩﯾﺮﺳﮯ ﭘﮩﻨﭽﮯ۔ ﺍﻧﮩﻮﮞ ﻧﮯ ﺍﺱ ﭘﺮﺑﮍﺍ ﺷﻮﺭﻏﻮﻏﺎ ﮐﯿﺎ۔ ﺁﭖ ﻧﮯ ﻓﺮﻣﺎﯾﺎ ﮐﮧ ﭘﮩﻠﮯ ﻣﯿﺮﮮ ﺑﺎﺕ ﺳﻦ ﻟﻮ، ﺷﺎﯾﺪ ﺁﭖ میری ﺗﺎﺧﯿﺮ پر ناراض نہ ہوں۔
ﺍﻧﮩﻮﮞ ﻧﮯ ﮐﮩﺎ ﺍﭼﮭﺎ ﭨﮭﯿﮏ ﮨﮯ ﺑﺘﺎﺋﯿﮯ۔ ﺁﭖ ﻧﮯ ﻓﺮﻣﺎﯾﺎ ﮐﮧ ﺁﺝ ﺗﻮ ﻋﺠﯿﺐ ﻭﻏﺮﯾﺐ ﺻﻮﺭﺕ ﺩﯾﮑﮭﻨﮯ ﻣﯿﮟ ﺁﺋﯽ۔ﺟﺐ ﻣﯿﮟ ﺩﺭﯾﺎ ﮐﮯ ﮐﻨﺎﺭﮮ ﭘﮩﻨﭽﺎ ﺗﻮ ﻭﮨﺎﮞ ﺩﻭﺭ ﺗﮏ ﮐﺸﺘﯽ ﮐﺎ ﻧﺎﻡ ﻭﻧﺸﺎﻥ ﻧﮧ ﺗﮭﺎ۔ﺣﯿﺮﺍﻥ ﺗﮭﺎ ﮐﮧ ﮐﺲ ﻃﺮﺡ ﺩﺭﯾﺎﻋﺒﻮﺭﮐﺮﻭﮞ ﮔﺎ۔ ﺍﺱ ﺍﺛﻨﺎ ﻣﯿﮟ ﮐﯿﺎ ﺩﯾﮑﮭﺘﺎ ﮨﻮﮞ ﮐﮧ ﺍﯾﮏ ﺩﺭﺧﺖ ﺧﻮﺩ ﮐﭧ ﮔﯿﺎ ﺍﻭﺭ ﺍﺱ ﮐﮯ ﺗﺨﺘﮯ ﺑﻦ ﮔﺌﮯ، ﭘﮭﺮ ﺑﻐﯿﺮ ﮐﺴﯽ ﮐﺎﺭﯾﮕﺮ ﺍﻭﺭ ﺑﻐﯿﺮ ﮐﯿﻠﻮﮞ ﮐﮯ ﺍﻥ ﺗﺨﺘﻮﮞ ﻧﮯ ﺟﮍﻧﺎ ﺷﺮﻭﻉ ﮐﯿﺎ ﯾﮩﺎﮞ ﺗﮏ ﮐﮧ ﮐﺸﺘﯽ ﺗﯿﺎﺭ ﮨﻮﮔﺌﯽ ﭘﮭﺮ ﻭﮦ ﺑﻐﯿﺮ ﻣﻼﺡ ﮐﮯ ﭘﺎﻧﯽ ﮐﮯ ﺩﻭﺵ ﭘﺮﺍﭨﮭﮑﯿﻠﯿﺎﮞ ﮐﺮﺗﯽ ﻣﯿﺮﮮ ﭘﺎﺱ ﺁﮔﺌﯽ۔ ﻣﯿﮟ ﺳﻮﺍﺭ ﮨﻮﮔﯿﺎ، ﮨﻮﺍ ﭼﻠﻨﮯ ﻟﮕﯽ ﯾﮩﺎﮞ ﺗﮏ ﮐﮧ ﺳﺎﺣﻞ ﭘﺮ ﺁﻟﮕﯽ۔ ﺩﮨﺮﯾﻮﮞ ﻧﮯ ﯾﮧ ﺳﻨﺎﺗﻮ ﺁﺳﻤﺎﻥ ﺳﺮ ﭘﺮ ﺍﭨﮭﺎ ﻟﯿﺎ ﺍﻭﺭ ﮐﮩﻨﮯ ﻟﮕﮯ ﮐﮧ ﺑﮭﻼ ﺍﯾﺴﺎ ﺑﮭﯽ ﻣﻤﮑﻦ ﮨﮯ ﮐﮧ ﺑﻐﯿﺮ ﮐﺎﭨﻨﮯ ﮐﮯ ﺩﺭﺧﺖ ﮐﭧ ﺟﺎﺋﮯ ﺍﻭﺭﮐﺸﺘﯽ ﺗﯿﺎﺭ ﮨﻮﺟﺎﺋﮯ ﺍﻭﺭ ﺑﻐﯿﺮ ﻣﻼﺡ ﮐﮯ ﮐﺸﺘﯽ ﭼﻠﻨﮯ ﻟﮕﮯ۔ ﺍﻣﺎﻡ ﺻﺎﺣﺐ ﻧﮯ ﻓﺮﻣﺎﯾﺎ ﺑﺪﺑﺨﺘﻮ ! ﺍﮔﺮ ﺍﯾﮏ ﺩﺭﺧﺖ ﺑﻐﯿﺮ ﮐﺎﭨﻨﮯ ﻭﺍﻟﮯ ﮐﮯ ﻧﮩﯿﮟ ﮐﭧ ﺳﮑﺘﺎ، ﺗﺨﺘﮯ ﺑﻐﯿﺮﺟﻮﮌﻧﮯ ﻭﺍﻟﮯ ﮐﮯ ﻧﮩﯿﮟ جڑﺳﮑﺘﮯ۔ ﺍﯾﮏ ﮐﺸﺘﯽ ﺗﯿﺎﺭ ﮨﻮ ﮐﺮ ﺑﮭﯽ ﺑﻐﯿﺮﻣﻼﺡ ﮐﮯ ﻧﮩﯿﮟ ﭼﻞ ﺳﮑﺘﯽ ﺗﻮ ﮐﺎﺋﻨﺎﺕ ﮐﺎ ﯾﮧ ﺳﺎﺭﺍ ﻧﻈﺎﻡ ﯾﮧ ﺷﺠﺮﻭﺣﺠﺮ، ﯾﮧ ﻧﮩﺮﯾﮟ ﺍﻭﺭ ﺩﺭﯾﺎ، ﯾﮧ ﺷﻤﺲ ﻭﻗﻤﺮ، ﯾﮧ ﮔﻞ ﻭﮔﻠﺰﺍﺭ، ﯾﮧ ﺣﯿﻮﺍﻥ ﺍﻭﺭ ﺍﻧﺴﺎﻥ ﯾﮧ ﺳﺘﺎﺭﻭﮞ ﮐﮯ ﺟﮭﺮﻣﭧ ﺍﻭﺭﮐﮩﮑﺸﺎﮞ ﯾﮧ ﺳﺐ ﮐچھ ﮐﯿﺎ ﺧﻮﺩ ﺍﺯ ﺧﻮﺩ ﻭﺟﻮﺩ ﻣﯿﮟ ﺁﮔﯿﺎ ﺍﺗﻨﺎ ﺑﮍﺍ ﮐﺎﺭﺧﺎﻧﮧ ﮐﯿﺎﺧﻮﺩ ﺑﺨﻮﺩ ﭼﻞ ﺭﮨﺎ ﮨﮯ، ﺍﺳﮯ ﮐﻮﺋﯽ ﭼﻼﻧﮯ ﻭﺍﻻﻧﮩﯿﮟ۔ ﺍﻥ ﺩﮨﺮﯾﻮﮞ کی سمجھ ﻣﯿﮟ ﺑﺎﺕ ﺁﮔﺌﯽ ﺍﻭﺭ ﺍﻧﮩﻮﮞ ﻧﮯ ﺗﺎﺋﺐ ﮨﻮ ﮐﺮ ﺍﺳﻼﻡ ﻗﺒﻮﻝ ﮐﺮﻟﯿﺎ۔
