نئی دہلی(این این آئی)تازہ ترین میڈیا رپورٹس کے مطابق ’ویٹرن جوان‘ نامی فیس بک پیج پر پوسٹ کی جانے والی اس ویڈیو میں جوگی داس کا کہنا ہے کہ سب سے زیادہ دفاعی بجٹ رکھنے والی بھارتی فوج کی شان صرف دکھاوا ہے۔ کچھ افسران نے جوانوں کو غلام بنارکھا ہے،جوانوں کوسب سے گھٹیا کھانا دیا جاتا ہے اورکھانا بھی دیا جاتا ہے تو زندہ رہنے کیلئے، ضرورت کیلئے نہیں۔ فوج میں بہت کچھ غلط ہورہا ہے،
ہمیں فوج کے اندر آپس میں لڑنا پڑتا ہے، کب تک برداشت کرتے رہیں گے۔ جو منہ کھولتا ہے، مارا جاتا ہے۔ویڈیو میں جوگی داس کے مطابق اس نے بھارتی وزیراعظم اور وزیرِ دفاع کو سپاہیوں کے ساتھ ہونے والی بدسلوکی سے متعلق ایک سال تک خط لکھے تاہم اس کی شنوائی نہیں ہوئی بلکہ فوجی ڈسپلن کی خلاف ورزی پر اسے سہائک کی شرم ناک ڈیوٹی پر لگادیا گیا ٗ پورے عرصے میں اسے مسلسل ہراساں بھی کیا جاتا رہا۔
