ممبئی (این این آئی)بولی وڈ اداکار امیتابھ بچن کا شمار اپنے دور کے کامیاب اداکاروں میں تو کیا ہی جاتا ہے، تاہم وہ سماجی کاموں میں بھی کافی آگے آگے نظر آتے ہیں۔اسی حوالے سے اداکار نے سماجی رابطے کی ویب سائٹ ٹوئٹر پر صنفی مساوات کے حوالے سے ایک خوبصورت پیغام بھی شیئر کیا۔74 سالہ امیتابھ بچن نے ٹوئٹر پر اپنی ایک تصویر مداحوں سے شیئر کی جس میں وہ ایک پلے کارڈ پکڑے نظر آئے۔پلے کارڈ پر تحریر

ہے موت کے بعد میری جائیداد میرے بیٹے اور بیٹی میں برابر تقسیم کی جائے گی۔امیتابھ بچن کے بیٹے ابھیشیک بچن بھی بولی وڈ کے مشہور اداکار ہیں، جبکہ ان کی بیٹی شویتا بچن نندا پیشے کے اعتبار سے صحافی ہیں۔خیال رہے کہ امیتابھ بچن بااختیار خواتین اور ان کے حقوق کے لیے بھی کافی سرگرم رہتے ہیں، ان کی گزشتہ سال ریلیز فلم’’پنک‘‘ بھی اسی موضوع پر مبنی تھی۔انہوں نے گزشتہ سال اپنی پوتی نیویا اور نواسی آرادھیا کے نام ایک خط بھی شائع کیا تھا، جس میں انہوں نے لکھا تھا ‘میری پیاری نیویا اور آرداھیا، آپ دونوں کے نازک کندھوں پر نہایت بھاری ذمہ دار عائد ہوتی ہے۔ آرادھیا، آپ کے کندھے پر آپ کے پر دادا ڈاکٹر ہری وانش رائے بچن اور نیویا آپ کے کندھے پر آپ کے پر دادا شری ایچ پی نندا کی قیمتی میراث سنبھالنے کی ذمہ داری ہے۔اگر کام کے حوالے سے بات کی جائے تو امیتابھ بچن اس وقت اپنی فلم’’سرکار 3‘‘ کی شوٹنگ میں مصروف ہیں، جس کا ٹریلر حال ہی میں ریلیز کیا گیا۔فلم’’سرکار 3‘‘ رواں برس 14 اپریل کو نمائش کے لیے پیش کی جائے گی۔