فیصل آباد(آئی این پی )لاہورمیں سپر لیگ کے فائنل کا انعقاد،ایازصادق کاموقف بھی عمران خان سے قریب تر، فیصلہ رسکی ہے ،انتباہ کردیا،قومی اسمبلی میں سپیکر سردارایاز صادق نے کہا ہے کہ فوجی عدالتوں سے متعلق 6مارچ کو پارلیمنٹ کے اجلاس میں بحث ہوگی ، لاہور میں پی ایس ایل فائنل کا فیصلہ رسکی اور دلیرانہ ہے ، وزیراعظم میچ دیکھنے جائیں گے ، پانامہ کیس کا عدالت کو پتا ہوگا یا سیاسی جماعتوں کو ۔ وہ منگل کو یہاں میڈیا سے گفتگو کر رہے تھے ۔

انہوں نے کہا کہ فوجی عدالتوں سے متعلق 8میٹنگز ہوچکی ہیں ۔6مارچ کو پارلیمنٹ کے اجلاس میں بھی اس معاملے پر بحث کی جائے گی ۔ لاہور میں پی ایس ایل فائنل کا فیصلہ رسکی اور دلیرانہ ہے،وزیراعظم میچ دیکھنے جائیں گے۔ایاز صادق نے کہا کہ میرے گھر میں شادی ہے پھر بھی کوشش ہوگی کہ پی ایس ایل کا فائنل دیکھنے جاؤں ۔ پانامہ کیس کے فیصلے کے متعلق سوال کے جواب میں سردارایاز صادق نے کہا کہ پانامہ کیس کے فیصلے کا عدالت کو پتا ہوگا یا پھر سیاسی جماعتوں کو پتا ہوگا مجھے اس بارے میں کچھ نہیں پتا۔