اسلام آباد(مانیـٹرنگ ڈیسک)پاکستان سپر لیگ کا جادو چار سو پھیل گیا پورا پاکستان اس کے سحر میں مبتلا ہے۔ وزیراعلیٰ پنجاب شہباز شریف بھی دیوانے نکلے۔ تفصیلات کے مطابق پاکستان سپر لیگ کے سنسنی خیز مقابلوں نے جہاں پاکستان کے عام شہریوں کو اپنے سحر میں مبتلا کر رکھا ہے وہیں حکمران طبقہ بھی اسے سے شدید متاثر نظر آتا ہے۔
گزشتہ دنوں لاہور قلندرز اور اسلام آباد یونائیٹڈ کے درمیان سنسنی خیز مقابلے کے بعد فتح جب قلندرز کے حصے میں آئی تو چھکا لگانے والے گرانٹ ایلیٹ نے خوبصورت انداز میں بلالہرا کر کے اپنی فتح کا جشن منایا جس پر وزیر اعلی پنجاب شہباز شریف بھی ان کے گرویدہوگئے۔لاہور قلندرزکی فتح کے بعدجب کسی نےوزیراعلیٰ پنجاب میاں شہباز شریف کوپاکستان سپر لیگ کے امپائروں کے نام سے فلائی اوور بنانے کی فرمائش کی تواس پر کیوی بلے باز کی اننگز پر مسرور خادم اعلی نے ازراہ مذاق جواب دیا کہ کیوں نہ گرانٹ ایلیٹ کے نام سے فلائی اوور بنا دیا جائے۔
