را ولپنڈی (آئی این پی)مسلم لیگ (ن) کے مرکزی رہنما حنیف عباسی کے قریبی عزیز اور فارما انڈسٹری کے رہنما باسط عباسی نے الزام عائد کیا ہے کہ پنجاب حکومت ترک کی حکومت سے مل کر ترک ادویات پاکستان میں لانے کیلئے انڈسٹری کو تباہ کر رہی ہے۔ مطالبات منظور ہونے تک ہڑتال جاری رکھی جائے گی۔ پنجاب حکومت نئے ایکٹ کو فوری طور پر واپس لے۔ تاجر برادری کو تنگ نہ کیاجائے۔ انہوں نے یہ بات فارما انڈسٹری کے عہدیدار ارشد اعوان کے ہمراہ
مختلف ہڑتالی کیمپوں کے دورے کے موقع پر خطاب کرتے ہوئے کہی۔ باسط عباسی نے کہا کہ مسلم لیگ (ن) کو ووٹ دے کر کامیاب بنایا مگر اب (ن) لیگ کی حکومت تاجروں کو تنگ کر رہی ہے۔ پنجاب حکومت نے نیا ڈرگ ایکٹ ترکی سے ادویات پاکستان لانے کیلئے نافذ کیا ہے مگر ہم انڈسٹری کو تباہ نہیں ہونے دیں گے اور احتجاج مطالبات کی منظوری تک جاری رکھا جائے گا۔ انہوں نے کہا کہ ہمارا احتجاج پر امن ہے۔ پولیس کو لاہور کے افسوس ناک واقعہ کے بعد سیکیورٹی کو مزیعد بہتر بنانا چاہیے۔
