اسلام آباد(مانیٹرنگ ڈیسک)شیمپو کو تو آپ نے دیکھا ہی ہوگا بلکہ روزمرہ میں بال دھونے کیلئے استعمال بھی کیا ہوگا مگر کیا آپ کو معلوم ہے کہ بالوں کی چمک بڑھانے کیساتھ یہ سلوشن کیا کچھ کرسکتاہے؟
لیدر کے جوتوں اور پرس کو نئی زندگی دیں:
اپنے چمڑے یا لیدر کے جوتوں اور پرس کی نئی زندگی کیلئے مہنگے سلوشنز خریدنے کی ضرورت نہیں کچھ مقدار میں شیمپواور ایک صاف کپڑا یہ کام کر سکتے ہیں۔شیمپو کو جوتوں کے خراب حصوں پر لگا کرکپڑے سے رگڑیں تو اس کی صفائی کیساتھ اسکی رنگت میںبھی نئی جان آجائیگی اور یہ آپ کے جوتوںکو نمک کے داغوں سے بھی تحفظ دیگا۔
منجمد زپ کو ٹھیک کریں:
اگر تو آپ کی زپ کسی جگہ پھنس گئی ہے تو اس پر زورلگا کر اسکے توڑنے کے بجائے روئی لیکر اس پر تھوڑاسا شیمپو لگائیں ۔شیمپو زپ کو آسانی سے حرکت کرنے میں مدد کریگااور زپ میں پھنس جانے والا کچرا بھی اگلی دھلائی میں نکل آئے گا۔
گاڑی کی صفائی:
شیمپو میں چکنائی کاٹنے کی طاقت گاڑی پر بھی کام کرتی ہے۔ایک چوتھائی کپ شیمپو کو پانی کی ایک بالٹی میں ملائیں اور اس سے گاڑی کو صاف کر لیں۔
پیروں میں نئی جان ڈالیں:
اپنے پیروں میں رات کو سوتے وقت شیمپو کی کچھ مقدار سے مالش کریں اور کاٹن کی جرابیں چڑالیں ۔صبح جب آپ اٹھیں گے تو پیر ہموار اور ریشمی محسوس ہونگے۔