وفاقی وزیر اطلاعات و نشریات پرویز رشید نے پی ٹی آئی رہنما مراد سعید کی جعلی ڈگری پر ردعمل ظاہر کیا ہے۔ کہتے ہیں کہ دوسروں کو نصیحت خود میاں فضیحت۔اپنے بیان میں وفاقی وزیر اطلاعات و نشریات پرویز رشید نے کہا کہ دوسروں کو اخلاقیات کا درس دینے والوں کی اصلیت آشکار ہوگئی ہے۔ ان کا کہنا ہے کہ دوسروں کو نصیحت خود میاں فضیحت۔ مراد سعید کی جعلی ڈگری کیس سے تحریک انصاف کا اصل چہرہ سامنے آگیا ہے۔اس سے پہلے پشاور یونیورسٹی کی تحقیقاتی رپورٹ میں سامنے آیا تھا کہ پی ٹی آئی کے سوات سے رکن قومی اسمبلی مراد سعید کی مارکس شیٹ جعلی ہے۔ رپورٹ میں یہ بھی بتایا گیا کہ رہنما تحریک انصاف اور یونیورسٹی حکام بے ضابطگیوں میں ملوث ہیں۔