اسلام آباد(مانیٹرنگ ڈیسک)جب مردوں کا جسمانی وزن بڑھتا ہے تو سب سے پہلے ان کی توند ہی کیوںباہر نکلتی ہے؟جب مردوں کا جسم بڑھتا ہے توچربی توندمیں سب سے زیادہ جمع ہوتی ہے، یہ دعویٰ امریکہ میں ہونیوالی ایک تحقیق کے دوران کیا گیا۔کیلیفورنیا یونیورسٹی کی تحقیق کے مطابق جب مرد زیادہ کھانا کھاتے ہیں اور ورزش سے دور ہو جاتے ہیں
تو چربی بڑھنے لگتی ہے اور جسم کا اضافی ذخیرہ توند میں جمع ہوتا ہے اورتنگی کی وجہ سے وہ پھول جاتی ہے۔تحقیق میں بتایا گیا ہے کہ جب مردوں کی توند پوری طرح نکل آتی ہے تو جسم کسی اور جگہ چربی ذخیرہ کرنے لگتا ہے جو صحت کیلئے انتہائی خطرناک ہے جس کی وجہ سے مختلف مہلک بیماریا ں لاحق ہو سکتی ہیں۔تحقیق میں مزید بتایا گیا کہ ایسا ہونے پر جسم جگر،لبلبے اور مسلز میں چربی جمع کرتا ہے اور پھر ذیابطیس ،ٹائپ ٹو ،ہائی بلڈ پریشر،ہائی کولیسٹرول اور امراض قلب جیسے مسائل پیدا ہوتے ہیں۔مردوں کے مقابلے میں خواتین کی توند نکلنے کا امکان کم ہوتا ہے کیونکہ ان میں جنیاتی طور پرچربی زیادہ ذخیرہ کرنے کی صلاحیت ہوتی ہیں۔محققین کا کہنا ہے کہ جب لوگ ورزش کرتے ہیں تو سب سے پہلے جسمانی سرگرمیوں میں توند سے ہی چربی پگلتی ہیںاور وزن میں کمی واقع ہوتی ہے۔
