کراچی(آئی این پی)وزیراعظم میاں محمد نوازشریف کل ایم نائن موٹروے منصوبے کا افتتاح کریں گے۔نجی ٹی وی کے مطابق وزیراعظم نوازشریف ایک روزہ دورے پرکل کراچی آئیں گے۔ وزیراعظم نوازشریف کراچی تاحیدرآباد ایم نائن موٹروے منصوبے کا افتتاح کریں گے۔یہ موٹروے سپرہائی وے کو حیدرآباد سے ملائے گا۔اس روڈ کی تعمیرسے کراچی اور حیدرآباد کا سفر مزید آسان ہوجائیگا۔

اس موٹروے کی تعمیرکے دوران یہاں سفرکرنیوالوں کوانتہائی مشکلات کا سامنا کرنا پڑاتھا۔ستمبرمیں اس موٹروے پر ایک حادثے میں ایم کیوایم پاکستان کے سربراہ ڈاکٹرفاروق ستار بھی ٹریفک حادثے میں زخمی ہوگئے تھے۔

موضوعات:موٹروے