صحابہ کرامؓ کی زندگیوں کے حالات پڑھ کر حیرانی ہوتی ہے ان کی جواں مردی پر عش عش کر اٹھنے کو دل کرتا ہے۔ ایک مرتبہ مشورہ ہونے لگا کہ اتنے اتنے کافروں کے مقابلہ میں کتنے مسلمانوں کو جانا چاہئے کسی نے کہا‘ ستر چلے جائیں گے‘ کسی نے کہا چالیس چلے جائیں گے‘ کسی نے کہا دس چلے جائیں گے‘ حضرت خالد بن ولیدؓ بھی بیٹھے تھے۔
جب ان سے پوچھا گیا تو وہ کہنے لگے کہ مجھے اکیلے بھیج دیں یہ سن کر کسی نے کہا ’’خالدؓ اس بات سے تو تکبر کی بو آتی ہے‘ وہ فرمانے لگے‘ ہرگز نہیں کیونکہ میری مثال باز کی سی ہے اور کافروں کی مثال ایسے ہے جیسے جال میں پھنسے ہوئے پرندوں کی سی ہوتی ہے۔ اب پھنسی ہوئی چڑیاں باز کا کیا بگاڑ سکتی ہیں؟ پھر فرمانے لگے کہ کافر مردہ ہے اور مومن زندہ ہے اس لئے لاکھوں مردے مل کر بھی ایک زندہ آدمی کا کچھ نہیں بگاڑ سکتے۔ پھر ان پر ایسی امداد اتری نے اللہ تعالیٰ نے ان کو کامیاب فرما دیا
