اسلام آباد(مانیٹرنگ ڈیسک) پاکستان تحریک انصاف کے رہنما فیاض الحسن چوہان کی سوشل میڈیا پر ایک وڈیو وائرل ہو گئی ہے۔ مذکورہ وڈیو میں فیاض الحسن چوہان کہہ رہے ہیں کہ ’’مجھے دانیال عزیز کے والد صاحب، انور عزیز جو چوہدری صاحب کے بڑے قریبی دوست ہیں ، ان کا فون آیا ہے۔ ان کے بقول کے انور عزیز صاحب بہت سخت پریشانی میں ہیںکہ ان کا بیٹا دانیال عزیز کس ڈگر پر چل
بیٹھا ہے۔ انہوں نے مجھے بتایا کہ انور عزیز چوہدری نے اپنے سارے دوستوں کی محفل میں کہا ہے کہ اس نواز شریف نے مجھ سے اپنی پرانی دشمنی کا بدلہ چکانے کیلئے میرے بیٹے دانیال عزیز کو بھونکنے کی وزارت دیدی ہے۔ اور وہ بھونک بھونک کر میری عزت کو بھی داغدار کر رہا ہے۔ جو تھوڑی بہت عزت تھی میری وہ اسے تباہ کر رہا ہے۔ میرا میسج ہے کہ دانیال عزیز کوئی خدا کا خوف کھائو، تمہاری تو چلو کوئی عزت نہیں ہے۔ تم پاکستانی بھی پورے نہیں، تم مسلمان بھی پورے نہیں ۔ خدا واسطہ ہے کہ اپنے والد کی عزت کی مت رولو‘‘۔
