لاہور(آئی این پی) لاہور کے علامہ اقبال انٹر نیشنل اےئر پورٹ پر پی آئی اے اور امارات ایئر لائن کے ملازمین میں لڑائی ‘اےئر پورٹ لاؤنج میدان جنگ بنا رہا جبکہ اس موقعہ پر ڈپٹی اےئر پورٹ منیجر قصیر خان خاموش تماشائی بنے رہے ۔ تفصیلات کے مطابق جمعہ کے روز ایک انٹر نیشنل پرواز کی لاہور آمد کے موقعہ پر کسی بات پر لاؤنج میں پی آئی اے اور امارات اےئر لائن کے ایک ملازم کے در میان کسی بات پر تلخی کلامی ہو ئی اور دیکھتے دیکھتے یہ تلخی کلامی لڑائی او ر انکے دیگر ملازمین تک پہنچ گئی جس پر اےئر پورٹ لاؤنج میدان جنگ بنا رہا اور وہاں مسافر کئی منٹ تک یہ تماشا دیکھتے رہے مگر کسی نے کوئی مداخلت نہیں کی اور ڈپٹی اےئر پورٹ منیجر قصیر خان خاموش تماشائی بنے رہے تاہم بعدازں اے ایس ایف نے مداخلت کر کے معاملے کو ختم کر ودایا ۔