ممبئی(مانیٹرنگ ڈیسک) بالی ووڈکے معروف اداکاراوم پوری دل کادورہ پڑنے سے انتقال کرگئے ہیں جس پربھارتی فلم نگری سوگ میں ڈوبی ہوئی ہے ۔تفصیلات کے مطابق اوم پوری نے بھارتی معاشرے کاسیاہ چہرہ اپنی اداکاری کے ذریعے بے نقاب کرنے کی کوشش کی اوراس سلسلے میں بھارتی دلت خواتین پرظلم وستم اورزیادتی کے واقعات پر مبنی ایک فلم ’’رام بھجن زندہ باد‘‘میں اپنی اداکاری کے بڑے جوہردکھائے۔ اس فلم کوفروری میں نمائش کےلئے پیش کیاجاناتھالیکن اس سے قبل ہی اوم پوری چل بسے اس فلم کی تشہیرکےلئے گزشتہ روزہی اوم پوری نے سلمان خان سے ان کے معروف ترین شو’’بگ باس ‘‘میں شرکت کرنے کی خواہش کااظہارکیاجس پرسلمان خان نے ان کوجلدہی اپنے شومیں مہمان بنانے کی حامی بھرلی لیکن وہ اس شومیں شرکت سے ایک ر وزقبل ہی چل بسے ۔سلمان خان نے سماجی رابطے کی ویب سائیٹ ٹوئیٹرپراوم پوری کوخراج تحسین پیش کیاہے اورکہاہے کہ ہم ایک لیجنڈاداکارسے محروم ہوگئے ہیں ۔

موضوعات:اوم پوری