سڈنی(این این آئی)تینوں فارمیٹس کیلئے اس کھلاڑی کو کپتان بنایا جائے ، سابق کپتان نے اہم کھلاڑی کا نام لے لیا , سابق کپتان رمیز راجا نے سرفراز احمد کو تینوں فارمیٹس کا کپتان بنانے کی تجویز دی ہے۔ایک انٹر ویو میں رمیز راجا نے کہا کہ سرفراز احمد نے ٹی 20 میچوں میں اپنے آپ کو منوالیا ہے اس لئے انہیں تینوں فارمیٹس میں ذمے داری دی جاسکتی ہے۔مصباح الحق کو مشورہ دیتے ہو ئے رمیض راجہ نے کہا کہ یہ آئیڈیل وقت ہے کہ وہ کھیل کو خیرباد کہہ دیں، یونس خان بھی ریٹائر منٹ کے بارے میں سوچیں۔
جبکہ دوسری جانب آسٹریلیا کے خلاف جاری ٹیسٹ کے چوتھے روز میزبان ٹیم کی دوسری اننگز سے قبل پاکستانی فاسٹ بولر محمد عامر کا مسل پل ہو گیا جس کی وجہ سے انہوں نے بالنگ نہیں کی۔سڈنی ٹیسٹ میں محمد عامر آسٹریلیا کی دوسری اننگز میں بولنگ کیلئے میدان میں نہیں آئے ٗ پاکستان کی جانب سے عمران خان اور یاسر شاہ نے اننگز کا آغاز کیا۔