اسلام آباد ( نیوز ڈیسک ) فاٹا سے سینیٹ انتخابات میں حصہ لینے والے آزاد اراکین نے جمعیت علماء4 اسلام ف کے سربراہ مولانا فضل الرحمان سے ملاقات کی ہے جس میں سینیٹرز نے مولانا فضل الرحمان سے درخواست کی ہے کہ وہ حکومت پر دباوڈالیں تاکہ چیئرمین سینیٹ کے انتخاب سے قبل فاٹا میں بھی سینیٹ انتخابات کروائے جا سکیں۔مولانا فضل الرحمان سے ملاقات میں فاٹا سے سینیٹ کے امیدواروں کی جانب سے درخواست کی گئی ہے کہ چیئرمین سینیٹ کے انتخاب میں فاٹا کی نمائندگی نہ ہونا ان کے ساتھ زیادتی ہے اور اس انتخاب سے قبل فاٹا میں سینیٹ کا الیکشن کروایا جائے تاکہ وہاں سے تعلق رکھنے والے 4 سینیٹرز بھی اپنا حق رائے دہی استعمال کر سکیں۔یاد رہے فاٹا میں ہارس ٹریڈنگ کی اطلاعات کے بعد صدارتی آرڈینینس کے تحت وہاں کے الیکشن ملتوی کر دیے گئے تھے تاہم حکومت اب وہ آرڈینینس واپس لینے پر بھی غور کر رہی ہے۔