اسلام آباد (آئی این پی ) وفاقی وزیر ریلوے خواجہ سعد رفیق نے کہا ہے کہ 2018ء تک خیبرپختونخوا حکومت کے ساتھ مل کر کام کرنا چاہتے ہیں‘ سی پیک کے تحت ریلوے کے تین منصوبے شروع کئے گئے ہیں‘ کراچی سرکلر ریلوے منصوبے کو سی پیک میں شامل کرانے کے لئے کوشاں ہیں‘ کراچی سرکلر ریلوے منصوبے کے لئے سندھ حکومت سے مکمل تعاون کرینگے‘ اورنج لائن مکمل طور پر پنجاب حکومت کا منصوبہ ہے۔ وہ جمعرات کو اسلام آباد میں پریس کانفرنس سے خطاب کررہے تھے۔
انہوں نے کہا کہ چین نے ایم ایل ایل ون کو اہم منصوبہ قرار دیا ہے اورنج لائن مکمل طور پر پنجاب حکومت کا منصوبہ ہ ے۔ کراچی سرکلر ریلوے پرانا منصوبہ ہے اس پر بھی کام کیا جائے گا۔ وزیراعلیٰ سندھ کا رویہ مثبت تھا۔ راچی سرکلر ریلوے کی بحالی کے لئے معاونت کرینگے۔ وفاقی حہکومت کراچی سرکلر ریلوے منصوبے کو سی پیک میں شامل کرانے کے لئے کوشاں ہے۔ سعد رفیق نے کہا کہ سرکلر ریلوے کو توسیع دیکر سھابیجی تک بڑھایا جائے گا۔ کراچی سرکلر ریلوے منصوبے کے لئے سندھ حکومت سے مکمل تعاون کرینگے۔ کراچی سرکلر ریلوے کے 35سٹیشنوں کی اپ گریڈیشن کی جائے گی۔ منصوبے سے متعلق وفاق اور سندھ میں مفاہمت ہوچکی ہے۔
انہوں نے کہا کہ پشاور ماس ٹرانزٹ منصوبے پر وزیراعلیٰ خیبرپختونخوا کا رویہ بھی مچبت رہا۔ نوشہرہ‘ مردان‘ چارسدہ‘ درگئی کے سیکشنز کو دوبارہ کھولا جائے گا۔ 2018 تک خیبرپختونخوا حکومت کے ساتھ مل کر کام کرنا چاہتے ہیں۔ حویلیاں کو چین سے ملانے کا منصوبہ سی پیک کا حصہ ہے۔ ورکنگ گروپس بنا دیئے گئے ہیں رواں ماہ بات چیت شروع ہوجائے گی۔ سی پیک کے تحت ریلوے کے تین منصوبے شروع کئے گئے ہیں۔