اسلام آباد (مانیٹرنگ ڈیسک) تازہ ترین میڈیا رپورٹس کے مطابق پاکستان کے صوبہ سندھ میں ایک کیس سامنے آیا ہے جس کے مطابق ایک ہی خاندان کے 50افراد کو سندھ کی وزارت صحت میں ملازمت دے دی گئی ہے ۔ تفصیلات کے مطابق صوبہ سندھ میں ایک کیس سامنے آیا ہے جس کے مطابق ایک ہی خاندان کے 50افراد کو سندھ کی وزارت صحت میں ملازمت دے دی گئی جبکہ صوبائی وزیر صحت اس بات سے لاعلم ہیں جبکہ اس کیس کے چرچے سپریم کورٹ تک بھی جا پہنچے ہیں اور سپریم کورٹ اس کیس کی سماعت بدھ سے کرنے جا رہی ہے ۔
ذرائع کے مطابق سکیورٹی گارڈز سے لے کر لیب ٹیکنیشنز تک کی ملازمتیں ایک ہی خاندان کے لوگوں کو فراہم کی گئیں اور یہ معاملہ اس وقت منظرعام پر آیا، جب ایک شخص نے یہ شکایت جمع کروائی کہ صوبہ سندھ کی صوبائی وزارت صحت نے گھوٹکی ڈسٹرکٹ میں ایک ہی خاندان کے 50 افراد کو ملازمتیں دی ہیں ۔ اس نشاندہی کے بعد صوبائی حکومت نے اس معاملے میں انکوائری کروانے کی یقین دہانی کروائی۔اطلاعات کے مطابق پہلے ان افراد کو چھوٹے درجے کی نوکریاں دی گئی تھیں لیکن بعد میں جلد ہی ان کی ترقیاں کر دی گئی تھیں۔ صوبائی وزیر صحت سکندر علی نے کہا ہے کہ وہ ابھی تک اس معاملے سے لاعلم تھے لیکن اب وہ اس معاملے کو خود دیکھیں گے۔واضح رہے کہ
عالمی کرپشن کے حوالے سے بین الاقوامی ادارہ ٹرانسپیرنسی انٹرنیشنل ایک فہرست جاری کرتا ہے۔ اس فہرست میں دنیا کے 168 ممالک میں سے پاکستان کا نمبر 117واں ہے۔ جو ملک جتنا زیادہ کرپٹ ہوتا ہے، اس کا نمبر اتنا بعد میں آتا ہے۔‎‎

موضوعات:صوبائی وزیر صحت وزارت صحت