اسلام آباد (مانیٹرنگ ڈیسک) سابق بھارتی آرمی چیف جنرل بکرم سنگھ کا کہنا ہے کہ بھارت کو پاکستان کے نئے آرمی چیف سے محتاط رہنا ہوگا۔ تفصیلات کے مطابق جنرل قمر جاوید باجوہ کی بطور نئے آرمی چیف نامزدگی پر بھارت کے سابق آرمی چیف بکرم سنگھ کی جانب سے ردعمل دیا گیا ہے۔ بکرم سنگھ نے بھارت کو خبردار کرتے ہوئے کہا ہے کہ پاکستان کے نئے آرمی چیف سے محتاط رہنا ہوگا۔جنرل قمر جاوید باجوہ لائن آف کنٹرول اور کشمیر کے علاقے سے بخوبی واقف ہیں۔ جنرل باجوہ کو ان علاقوں کا وسیع تجربہ ہے۔ جنرل قمر کے آرمی چیف بننے کے بعد بھی پاکستان کی بھارت سے متعلق پالیسی میں کوئی فرق نہیں آئے گا۔

موضوعات:آرمی چیف جنرل قمر باجوہ