لاہور /گوجرنوالہ (آئی این پی) پیپلزپارٹی کے صوبائی صدر قمر زمان کائر ہ نے کہا ہے کہ عمران خان خود اپنے انجام کی طرف بڑھ رہے ہیں انکی گڈی کی ڈور کٹنے والی ہے ‘میاں صاحب پانامہ لیکس میں پکڑ جا چکے ہیں اب دیکھنا یہ ہے کہ فیصلہ انکے خلاف آتا ہے یا نہیں ‘بلاول بھٹو کے4مطالبات پورے نہ ہوئے تو تحر یک چلے گی ‘(ن) لیگ اپنی صفوں میں دہشت گردوں کے ساتھی موجود ہے وہ کیسے دہشت گرد ی ختم کر سکتی ہے ؟نر یندر مودی سن لیں بھٹو کے جیالے ملک کی جنگ لڑ یں گے ‘
بلاول بھٹو کے پاس پنجاب کے لوگوں کے مسائل کا حقیقی حل موجود ہے اور اب عوام تک بھٹو ازم کے ثمرات پہنچیں گے‘ پنجاب کے بیٹے آگئے ہیں جو صوبے کے مسائل کو حل کریں گے‘ غریب لوگوں کے لیے سستی بستیاں بنائی جا رہی تھیں وہ کہاں ہے؟ کہاں تعمیر ہو رہی ہیں؟ یا وہ بھی کمیشن مافیا کی نذر ہو گئی ہے؟ وہ ہفتے کے روز گوجر انوالہ اور لالہ موسیٰ روانگی کے موقعہ پر شاہدرہ اور گوجرانولہ میں میں کارکنوں سے خطاب اور میڈیا سے گفتگوکر رہے تھے قمر الزمان کائر ہ نے کہا کہ عمران خان کی گڈی کی ڈور کٹنی والی ہے پیپلزپارٹی ہی ملک کو بحرانوں سے نجات دلا کر ترقی کی راہ پر گامزن کر یگی
پیپلزپارٹی کے صوبائی صدر قمر الزمان کائر ہ نے کہا کہ حکمران کسان کے لیے پیکج کا اعلان کراتے ہیں لیکن وہ ان تک نہیں پہنچتا ہے پاکستان کا کسان اپنی فصلیں جلانے پر مجبور ہے ۔ انہوں نے کہا کہ وزیراعلی پنجاب نے اب تک جن جن اسکیموں کا اعلان کیا ہے وہ سب بری طرح ناکام ہو گئی ہیں غریب مزدور اور کسان اپنے بچوں کی سکولوں کی فیسیں ادا کرنے کی سکت نہیں رکھتے، غریب طلبا کو لیپ ٹاپ تو دے دیئے گئے لیکن اساتذہ نہیں دیئے، کتابیں اور یونیفارم نہیں دیے،سرکاری سکول مویشیں کی آماج گاہ بن گئے ہیں۔انہوں نے کہا کہ غریب لوگوں کے لیے سستی بستیاں بنائی جا رہی تھیں وہ کہاں ہے؟
کہاں تعمیر ہو رہی ہیں؟ یا وہ بھی کمیشن مافیا کی نذر ہو گئی ہے؟ غریبوں کو جھوٹے دلاسے دینے والے مفت تندور اور سستی روٹی کی سکیم کا کیا ہوا کہاں گئی یہ سکیم بھی خادم اعلی کی دیگر اسکیموں کی طرح بری طرح فیل ہو گئی ہے؟ہم پنجاب کے حکمرانوں کے ہر لحاظ سے قوم کے سامنے بے نقاب کر یں گے اور پیپلزپارٹی ایک نئی طاقت کے ساتھ قوم کو نظر آئیگی ۔
انہوں نے کہا کہ نر یندر مودی سن لیں بھٹو کے کارکن پانی کے ہر قطر ے اور ملک کی سر زمین کے ہر انچ کی حفاظت کر یں گے ۔
