اسلام آباد(آئی این پی)وزیراعظم محمد نوازشریف کی صاحبزادی مریم نواز نے آرمی چیف جنرل راحیل شریف کے اعزاز میں دیئے گئے الوداعی عشائیے کی تقریب کے حوالے سے ٹویٹ کرتے ہوئے کہا ہے کہ جنرل راحیل شریف کی خدمات کو ہمیشہ یاد رکھا جائے گا ،انہوں نے اچھی مثال قائم کر کے تاریخ رقم کر دی ۔ جمعرات کو سوشل میڈیا کی ویب سائٹ ٹوئٹر پر اپنے پیغام میں آرمی چیف کی الوداعی تقریب پر تبصرہ کیا۔انہوں نے کہا کہ جنرل راحیل کی خدمات کو ہمیشہ یاد رکھا جائے گا، جنرل راحیل پورے پاکستان کو آپ پر فخر ہے ، وزیراعظم نے بھی آرمی چیف کی پیشہ ورانہ خدمات کو سراہا ۔ مریم نواز نے کہا کہ جنرل راحیل شریف غیر معمولی شخصیت کے مالک ہیں ان کی طرف سے اچھی مثال قائم کی گئی اور تاریخ بن رہی ہے اور ادارے مضبوط ہو رہے ہیں ۔

موضوعات:مریم نواز