لاہور ( این این آئی) پنجاب فوڈ اتھارٹی نے مضرصحت اشیاء فروخت کرنے اور صفائی کے ناقص انتظامات پر چلڈرن ہسپتال کی کینٹین انتظامیہ کو 50 ہزار روپے جرمانہ کردیا۔تفصیلات کے مطابق پنجاب فوڈ اتھارٹی کی ڈائریکٹرآپریشنز رافعہ حیدر نے اپنی ٹیم کے ہمراہ چلڈرن ہسپتال کی کنٹین پر چھاپہ مارا۔
کنٹین میں کھانے پینے کی اشیا کی تیاری میں غیر معیاری کوکنگ آئل اور مصالحہ جات استعمال کئے جارہے تھے۔گندے ٹوٹے فریزر اور حفظان صحت کے اصولوں کے خلاف اشیا کی تیاری پر محکمانہ کارروائی عمل میں لاتے ہوئے 50 ہزار روپے جرمانہ کیا گیا۔رافعہ حیدر کا کہنا تھا کہ ڈائریکٹر جنرل نور الامین مینگل کی ہدایات پر تعلیمی اداروں اور ہسپتالوں کی کینٹین کو چیک کیا جارہاہیجس کا مقصد لوگوں کو معیاری کھانے کی اشیا کی فراہمی یقینی بناناہے۔
