اسلام آباد(مانیٹرنگ ڈیسک)پاکستان مسلم لیگ (ن) کے مرکزی سیکرٹری اطلاعات سینیٹرمشاہد اللہ خان نے کہاہے کہ عمران خان حقیقت میں انگوٹھیاں پہناتے توہاتھوں میں 200انگوٹھیاں ہوتیں ۔میڈیاسے گفتگوکرتے ہوئے سینیٹرمشاہد اللہ خان نے میڈیا سے گفتگو کرتے ہوئے کہا ہے کہ مجھے گورنر سندھ بننے کی پیشکش ہوتی تو کیوں قبول نہ کرتا۔

انہوں نے کہاکہ شیخ رشید اورعمران خان چھلانگیں لگارہے ہیں اوردونوں کی آنیاں جانیاں لگی ہوئی ہیں ۔انہوں نے کہاکہ تحریک انصاف ایک غیرسنجیدہ پارٹی ہے جبکہ تحریک انصاف کاخود احتساب شروع ہوگیاہے ۔انہوں نے کہاکہ پی ٹی آئی کسی کا احتساب نہیں چاہتی،پہلے اپنے ہاتهوں کو صاف کریں، اگر احتساب کرنا ہوتا تو خیبرپختونخوا سے شروع کرتے۔انہوں نے کہاکہ عمران خان کبھی لندن میں معلوم نہیں کس کوملنے جاتے ہیں اورکبھی انیل کپورکے پاس جاتے ہیں ۔