لاہور(آن لائن)’’مجھے مارو لیکن اپنے کام سے’’ اداکارہ و گلوکارہ میشا شفیع، آمنہ شیخ اور ثروت گیلانی نے ویڈیو ریلیز کر دی.تفصیلات کے مطابق اداکارہ و گلوکارہ میشا شفیع، آمنہ شیخ اور ثروت گیلانی نے خواتین پر گھریلو تشدد کے خلاف ایک وڈیو ریلیز کی ہے۔ یہ وڈیو یو این وومن کی مہم ’’بیٹ می‘‘ یعنی مجھے مارو کے تحت خواتین پر تشدد کے خلاف جاری کی ہے۔اس وڈیو میں میشا شفیع، ثروت گیلانی اور آمنہ شیخ کے ساتھ بلند ترین چوٹیوں پر پہنچنے والی پاکستان کی پہلی خاتون کوہ پیما ثمینہ بیگ، ساؤتھ ایشین گیمز میں سب سے تیز دوڑ کر گولڈ میڈل حاصل کرنے والی نسیم حمید اور کئی مشہور خواتین شامل ہیں۔ویڈیومیں ان خواتین کا پیغام دیتے ہوئے کہنا ہے کہ ’’انھیں ماریں، لیکن اپنی آواز سے، اپنے الفاظ سے، اپنے کام سے۔’’بیٹ می‘‘نامی اس مہم کے ذریعے یہ پیغام دیا گیا ہے کہ عورت صرف مار کھانے اور تشدد برداشت کرنے کے لیے پیدا نہیں ہوئی، بلکہ وہ کئی کامیابیاں حاصل کرنے کی صلاحیت رکھتی ہے۔

موضوعات:آمنہ شیخ ثروت گیلانی میشا شفیع ویڈیو ریلیز